lørdag 21. januar 2012

Fjosbuksetass med ansvar for gul løe

Innimellom mine to (aktive) strikkeprosjekt (kjole til meg + barselgåve-kjole), er det kjekt å sveiva i gang symaskina. Etter at eg kjøpte Janomen i haust, har syinga vorte meir og meir lystbetona. Jippi! I denne veka vart ei velurjoggebukse fødd. Enno litt stor til han som er målgruppa (som de ser). Men normalt sett vil jo smågutar vakse til, så eg stressar ikkje direkte med det. Eg tok utgangspunkt i eit mønster i o store børnetøj-boka (lurar på om det heitte elastikbukse??). Fjoset som er med som statist på bileta, er (fjor)årets julegåve til joggebuksemodellen. Kjøpte det på gjenbruksbutikken og pussa det opp med nye fargar. Så her i garden blir det ikkje gjort skilnad på kamel, høne, sau eller elefant. Alle skal på bås uansett om dei kjem frå Noas ark eller julekrubba. Fint det, eigentleg. Dei er sikkert glad for å få endeleg å koma i hus.

3 kommentarer:

  1. Så stilig! Likte virkelig bukså og fjøset som e oppussa :) Åh, eg kjenne at eg snart må ta turen ut t dokk, miss u! Klem lille gullet fra meg, og hils din kjære! Kram*

    SvarSlett
  2. Hi hi, deilig leikebukse til liten tass =)
    God søndag til deg!
    KLem

    SvarSlett
  3. vedhoggerens kone sa: Knallfin! du er flink og eg vil ha sykveld snart!!:O)

    SvarSlett