søndag 5. februar 2012

Sunday, sunday people

I dag har me hatt litt slekt på middagsbesøk. Pølser og pizzahorn med salat kunne passa for store og små. Det er rart korleis det er - sjølv om huset var i orden og helgevaska på torsdag, er det mykje som må ordnast før det er presentabelt på sundagen. Lurar på om andre folk òg føler at dei må drive å rydde og vaske så voldsomt i timane før eg kjem på besøk...? For det treng dei ikkje! (Hint hint til de som får helgebesøk av oss snart).

I snøveret var det herleg å halde seg innandørs. Men no kjenner eg at bekymringa kjem snikande om korleis eg skal kome seg på jobb i morgon tidleg dersom snøkrana ikkje vert skrudd av der oppe. Kan fort bli kaos på vegane.

Apropos kaos. Under ser de eit utsnitt av stovegolvet etter dagens party. Det vitnar om eit visst nivå av leikeglede, men òg om eit tilsvarande høgt nivå av etterarbeid.


  

2 kommentarer:

  1. Ja, jeg kan huske den tida der og slike golv. Det kunne være fristende å ta langkosten og sope alt borti en krok mange ganger, men vi vet likevel at det beste er å sortere og rydde alt i de riktige kassene. Leiken fungerer best neste dag da.
    Apropos vasking og rydding - det er merkelig at det fremdeles er behov for slikt med bare to voksne i huset! Ha ei fin arbeidsuke!

    SvarSlett
  2. Så ut som en ganske så perfekt søndag ;))

    SvarSlett